P.T.T.
Oi Adiak, tau lah di untuang
Alah co iko pandangaran
Usah lah banyak kandak juo
Iko jo itu nan bamintak
Sadangkan aden tak bakarajo
Kok jo a den kau nak bakandak
Kandak indak dapek diharok
Hiduik lah bak cando narako
Bagala P.T.T. aratinyo … Pangangguran Tingkek Tinggi
Ka ateh indak lah bapucuak
Ka bawah indak lah baurek
Di tangah digiriak ulek
Co itu bana yo Diak oi
Kok bamintuo lai kayo
Baladang cangkeh nan jo palo
Tinggalah dulu samantaro
Malakik aden bakarajo
Tidak ada komentar:
Posting Komentar